一個將面對兒子移民的非同住爸爸在我面前細說心底話：
「都預期最差既情況係佢地過到去(英國)就維持唔到視像探視。」
「我今次既放開, 起碼比佢地知道爸爸嘗試用另一種方法去處理。」
「剛才見到佢地, 我都同佢地講: 爸爸以前對唔住你地。」
「我都相信日後佢地大個會有唔同既想法, 我宜家咁做 (容許他們移居英國) 可能比佢地有個機會日後可以返香港搵返我呢個爸爸。」
爸爸對上一次親眼見兩子已經是4-5年前，這幾年來，父母不斷在法律程序上周旋。
來到童心圓，雖然未能成功在中心落實到探視。但爸爸喺童心圓接觸到處理佢與子既關係可以行另一條路徑；爸爸喺共享親職小組中除左明白更多共親職間的溝通方式，離異孩子的反應以外，更大得益係爸爸可以在一個安心的環境下與同路人分享及得到支持。
雖然爸爸都未能如法令般可以順利在童心圓安排定期見兒子，不過他能夠接受不再用法律方法去處理由前配偶提出兒子移英一事，爸爸意識到再去用盡方法去「爭取」其實只會弄巧成拙，反而佢既「放開」係為他自己及與兒子惡劣的關係「鬆綁」。
童心圓同工並不是神仙能夠化解到多年來家庭關係中的扭結，使每個服務使用者能如願以償；但童心圓卻為服務使用者提供一處安心的地方，重新檢視一下在糾結的路上嘗試找出其他出路。
最終，乘著新年將至並經過不斷的協調下，這位爸爸有機會為兒子送上新年利是，並拍下一張珍貴合照。
