top of page

服務使用者心聲

唔經唔覺,眨下眼18歲嘅青年要離開童心圓喇!回顧返呢幾年嘅點點滴滴,我哋邀請咗呢位青年分享佢個人嘅心得,希望幫到更多嘅同路人。

1. 對童心圓嘅睇法 「嚟見社工可以將內心嘅說話講出嚟,仲可以幫手解決困難!仲同爸爸嘅關係變好咗!因為大家都有更好嘅解決方法」

2. 對原生家庭嘅睇法 「喺日常生活中,都會有鬧交、有衝突…但感覺和平啲同心境好啲,整體都風平浪靜」

3. 服務期間最困難的事 「解決前所未見既愛情困難!但喺 喺過程中了解更多自己同埋另一半嘅方法,諗多咗,同埋知道要慢慢咁深入了解…」

4. 對分居/離婚子女嘅說話 「將來組織家庭之後,或者會同仔女嗌交。仔女都要懂得搵方法解決,唔可以用同啊爸阿媽同一樣嘅解決方法,要用其他方法。唔可以淨係依靠爸媽,因為有一日佢哋都會不在人世,要懂得獨立。」 「唔開心嘅時候可以聽吓歌,打吓機,放鬆吓心情,搵人傾。仲有可以做一啲運動,令心情放鬆啲,至少唔會傷害到人!」

希望透過分享呢位年青人嘅心得,幫各位小孩子、年青人打打氣!童心圓會陪伴大家走過人生嘅高山低谷。—社工何先生


37 views0 comments

Recent Posts

See All
bottom of page